၂၀၂၄ ခုနှစ်၊ အောက်တိုဘာလ ၁ ရက်နေ့၊ နေလည် ၃ နာရီအချိန်ခန့်က မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာအောင်မြေအနောက်ရပ်ကွက်၊ (၈၅x၈၆)ကြား၊ (၃၉)လမ်းတွင် လုံးပတ်(၃)ပေ၊ အမြင့်(၄၀)ပေခန့်ရှိ မန်ကျည်းပင်သည် မိုးရွာသွန်းမှုကြောင့် လဲကျပြီးလမ်းပိတ်ဆို့မှုဖြစ်ပွားကြောင်း သတင်းရရှိသဖြင့် မဟာအောင်မြေမြို့နယ်မီးသတ်စခန်း၊ ရတနာဘုမ္မိအနောက်အရန်မီးသတ်စခန်းနှင့် မန်းမြို့မဈေးအရန်မီးသတ်စခန်းများမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် မဟာလူမှုကူညီရေးအသင်းနှင့်ပူးပေါင်း၍ ရှာဖွေကယ်ဆယ်ရေးယာဉ်(၂)စီး၊ မီးငြိမ်းသတ်ယာဉ်(၁)စီးဖြင့် ရှင်းလင်းရေးလုပ်ငန်းများ ထွက်ခွာဆောင်ရွက်ခဲ့ရာ ညနေ ၄ နာရီ ၁၅ မိနစ်အချိန်တွင် လုပ်ငန်းဆောင်ရွက် ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာ ရရှိမှုမရှိပါကြောင်းနှင့် ပစ္စည်းပျက်စီးဆုံးရှုံးမှုမရှိကြောင်း သိရပါသည်။